Qashqadaryo viloyati Ichki ishlar boshqarmasi jamoat xavfsizligi xizmati Probatsiya boʻlimi xodimlari uchun yangi, zamonaviy va koʻrkam bino foydalanishga topshirildi
2025-08-12 13:40:00 / Yangiliklar
Binoning ochilish tadbirida Qashqadaryo viloyati Ichki ishlar boshqarmasi boshligʻi, polkovnik Abduvoxid Ismoilov, boshqarma sohaviy xizmatlar va tarkibiy boʻlimlar xodimlari, faxriylar kengashi aʼzolari ishtirok etishdi.
Tadbirda soʻz olganlar Ichki ishlar organlarining moddiy-texnik bazasi zamon talablariga mos holda mustahkamlanayotgani, bu oʻz navbatida yurtimiz tinchligi, fuqarolar xavfsizligini taʼminlashda muhim ahamiyat kasb etayotganini alohida taʼkidlab oʻtishdi.
Binoni toʻliq rekonstruksiya qilish hamda taʼmirlashda asosiy eʼtibor xodimlar uchun qulay xizmat sharoitlarini yaratishga qaratilgani eʼtirof etildi.
Ramziy lenta kesilgach, tadbir ishtirokchilari boʻlim binosida sohaviy xizmat xodimlar uchun yaratilgan sharoitlar bilan tanishdilar.
Koʻrkam bino, keng va yorugʻ xizmat xonalari, ixcham va bejirim mebel jihozlari, eng soʻnggi rusumdagi kompyuterlar, innovatsion texnologiyalar, albatta, bunday qulayliklar har bir xodimni gʻayrat-shijoat bilan xizmat qilishga undaydi.
Ichki ishlar organlarida amalga oshirilayotgan bu kabi yangilanish va islohotlar yurtimiz tinchligi, xalqimiz osoyishtaligini taʼminlashda muhim omil boʻlib xizmat qilishi shubhasiz.
Qashqadaryo viloyati IIB Axborot xizmati