Ichki ishlar vaziri oʻrinbosari polkovnik Ramazon Ashropov Huquqni muhofaza qilish akademiyasi faoliyati bilan tanishdi
2024-03-20 12:40:00 / Yangiliklar
Vazir oʻrinbosari polkovnik Р.Ашропов Bosh prokuror oʻrinbosari, Akademiya boshligʻi vazifasini vaqtincha bajaruvchi С.Самадов va Huquqni muhofaza qilish akademiyasi boshligʻining birinchi oʻrinbosari Е.Коленколар bilan birgalikda ichki ishlar organlari tergov boʻlinmalari xodimlarini bilim va koʻnikmalarini mustahkamlash, jinoyatlarni tergov qilish metodikasi va taktikasini samarali belgilash hamda xodimlarni tayyorlash, qayta tayyorlash va malakasini oshirish borasidagi ishlarni oʻrganish maqsadida Huquqni muhofaza qilish akademiyasiga tashrif buyurdi.
Akademiyada tergovchilarga yaratilgan sharoitlarni oʻrganib, inson huquq va erkinliklarini samarali muhofaza qilishda huquqni muhofaza qilish organlari xodimlarining kasbiy malakasi va salohiyati darajasi muhim oʻrin tutishi alohida taʼkidlandi.
Tashrif davomida, Akademiyada oʻquv mashgʻuloti oʻtkazayotgan Xalqaro odil sudlovni rivojlantirish tashkilotining jinoiy sudlov boʻyicha direktori Mark Carroll bilan uchrashib, oʻzaro fikr almashildi.
Shuningdek, oʻrganish davomida tergov sifatini oshirishga qaratilgan takliflar va ilgari surilgan loyihalar boʻyicha IIV huzuridagi Tergov departamenti va Huquqni muhofaza qilish akademiyasi oʻrtasida hamkorlikda bajariladigan qator masalalar yuzasidan oʻzaro kelishuvga erishildi.
Oʻzbekiston Respublikasi IIV huzuridagi Tergov departamenti