IIV Qorovul qoʻshinlari qoʻmondonligi tomonidan Qashqadaryo viloyatida joylashgan 7533-harbiy qismda oʻrganishlar olib borildi
2025-08-10 11:10:00 / Yangiliklar
Dastavval, tashrif avvalida qoʻshin qoʻmondoni shaxsiy tarkibning ertalabki tarqatuvida ishtirok etib, harbiy xizmatchilarga – xizmat burchlarini vijdonan bajarishlari, oʻz zimmalariga yuklatilgan masʼuliyatli va sharafli vazifalarni hech qachon esdan chiqarmasliklari, harbiy intizom va qonunchilikka qatʼiy rioya qilishlari lozimligini taʼkidlab oʻtdi.
Shundan soʻng, harbiy xizmatchilar bilan uchrashib, muloqot chogʻida ularning ahvoli, fikr mulohazalariga eʼtibor qaratib oʻtdi.
Tashrif davomida, harbiy qismda amalga oshirilayotgan ishlar, yaratilgan shart-sharoitlar, ijtimoiy va moddiy-texnik taʼminot, shaxsiy tarkibning jangovar tayyorgarligi hamda kundalik faoliyati bilan yaqindan tanishdi.
Amaliy tashrif yakunida, Qorovul qoʻshinlari tomonidan harbiy qismning umumiy faoliyati tahlil qilinib, mavjud muammo va kamchiliklar yuzasidan harbiy qism rahbariyatiga aniq topshiriq hamda vazifalar belgilab berildi.
IIV Qorovul qoʻshinlari qoʻmondonligi Axborot guruhi