“Migratsion profilaktika” tadbirlari yuzasidan videoselektor yigʻilishi oʻtkazildi
2025-08-10 10:15:00 / Yangiliklar
Joriy yilning 9-avgust kuni ichki ishlar vazirligi rahbariyati huzurida “Migratsion profilaktika” tadbirlari davomida va maʼmuriy amaliyot yoʻnalishida amalga oshirilgan ishlar hamda yoʻl qoʻyilgan kamchiliklar yuzasidan videoselektor yigʻilishi oʻtkazildi.
Joriy yilning 15-iyul kunidan 15-avgust kuniga qadar respublika boʻyicha “Migratsion profilaktika” tadbirlari eʼlon qilindi.
Joriy yilning 7 oyida uzoq muddatdan xorijdan qaytgan jami 698 920 nafar fuqarolarning 305 911 nafari tibbiy koʻrikdan oʻtkazildi, 15 965 nafariga ijtimoiy profilaktika doirasida xulosalar berildi, 11 381 nafari maxsus daftarga kiritildi, 25 021 nafari tadbirkorlikka jalb qilindi, 135 883 nafarining bandligi taʼminlandi, 9 158 nafariga moddiy va 50 052 nafariga tibbiy yordamlar koʻrsatildi.
Profilaktika inspektorlari tomonidan 126 741 nafar fuqarolar boʻyicha mahalliy soʻrovnomalar oʻtkazilib, soʻrovnoma natijalariga koʻra 71 428 nafar (56,3%) fuqarolar noqonuniy maqomda ekanligi aniqlangan va oʻrganish uchun Migratsiya agentligiga yuborilgan.
IIV Jamoat xavfsizligi departamenti Axborot xizmati