Buxoro viloyatida aholi bilan ochiq muloqotlar, rahbarlar qabullari tizimli ravishda oʻtkazilmoqda
2025-08-10 10:10:00 / Yangiliklar
Shu maqsadda, Buxoro viloyati hokimi boshchiligidagi mutasaddilar Oʻzbekiston Respublikasi Prezidentining Buxoro viloyatidagi Xalq qabulxonasida rahbar qabulini soʻrab takroran murojaat yoʻllagan fuqarolar bilan uchrashishdi.
Uchrashuvda viloyatdagi qator tashkilotlar rahbarlari qatorida Buxoro viloyati Ichki ishlar boshqarmasi boshligʻi ham ishtirok etdi.
Qabulda fuqarolarning kundalik hayotiga doir sud-huquq, ijtimoiy va iqtisodiy muammolari eshitilib, oʻnlab masalalar joyida hal etildi. Jumladan, ishga joylashish, uy-joy, moddiy yordam, tadbirkorlik uchun yer ajratish, ichki yoʻllarni taʼmirlash kabi masalalar boʻyicha aniq topshiriqlar berildi.
Qolgan murojaatlar yuzasidan mutasaddi tashkilotlar ishtirokida tegishli choralar belgilanib, nazoratga olindi.
Bunday qabullar aholi roziligini oshirish, muammolarga amaldagi yechim topishda muhim ahamiyat kasb etmoqda. Fuqarolar tomonidan bildirilgan ishonch davlat idoralari masʼuliyatini yanada oshirishga xizmat qilmoqda.
Buxoro viloyati IIB Axborot xizmati