Qoraqalpogʻistonda IIV JXD YHXX rahbariyati tomonidan fuqarolar murojaatlarini tinglash, mavjud muammolarni bartaraf etish hamda yoʻl infratuzilmasini yaxshilash maqsadida navbatdagi sayyor qabuli tashkil etildi
2025-08-09 17:55:00 / Yangiliklar
Tadbirning asosiy maqsadi — fuqarolarning murojaatlarini bevosita joyida tinglash, hududlarda mavjud muammolarni oʻrganish va ularni tezkor hal etish, shuningdek, yoʻl infratuzilmasini zamon talablariga mos ravishda yaxshilashdan iborat boʻldi.
Jarayonda fuqarolar bilan ochiq muloqot oʻtkazib, yoʻl harakati xavfsizligi sohasidagi dolzarb masalalarni muhokama qildi. Qabul davomida mahalliy aholi vakillari yoʻl belgilarining yetishmasligi, svetoforlarning sozligi, piyodalar oʻtish joylari holati va transport oqimini tartibga solish boʻyicha oʻz takliflarini bildirdi. Koʻtarilgan masalalar yuzasidan rahbariyat vakillari masʼul idoralarga aniq topshiriqlar berdi, ayrim muammolar esa joyida hal etildi.
Sayyor qabul nafaqat fuqarolarning ishonchini mustahkamladi, balki hududda xavfsiz va qulay harakatlanish uchun yangi imkoniyatlar yaratishga xizmat qildi. Aholi, ayniqsa yoshlar bilan oʻtkazilgan suhbatlarda yoʻl harakati qoidalariga amal qilishning ahamiyati, bolalar ishtirokidagi YTHlarning oldini olish choralari keng tushuntirildi.