IIV Jamoat xavfsizligi departamenti Yoʻl harakati xavfsizligi xizmati rahbariyati Qoraqalpogʻiston Respublikasida oʻrganishlar olib bormoqda
2025-08-08 18:00:00 / Yangiliklar
IIV Jamoat xavfsizligi departamenti Yoʻl harakati xavfsizligi xizmati rahbariyati Qoraqalpogʻiston Respublikasida yoʻl harakati xavfsizligini taʼminlash, muammolarni bartaraf etish va yoʻl infratuzilmasini yanada takomillashtirish boʻyicha amalga oshirilayotgan ishlar jarayonini joyida koʻzdan kechirdi.
Dastlabki manzil Nukus shahridagi Allaniyaz Qahramon mahallasida amalga oshirilayotgan infratuzilma loyihalari hamda mavjud sharoitlar joyida koʻzdan kechirildi.
Oʻrganish jarayonida piyodalar va transport vositalari harakati xavfsizligini oshirish, svetofor va yoʻl belgilarini yangilash, piyodalar oʻtish joylarini aniq belgilash kabi masalalar muhokama qilindi.
Shuningdek, tashrif davomida Amudaryo tumani hududida fuqarolar uchun amalga oshirilayotgan infratuzilma ishlari ham koʻzdan kechirildi. Qoraoʻzak tumani hududidan oʻtuvchi A-380 753-kilometrda esa sinov tariqasida oʻrnatilgan, ogʻir vaznli yuk tashuvchi transport vositalarining hajm va vazn parametrlarini avtomatlashtirilgan tarzda nazorat qiluvchi elektron tarozi punkti bilan tanishildi.
Ushbu tizim yuk ortiqchaligini aniqlash, yoʻl qoplamasini saqlash va harakat xavfsizligini taʼminlashda muhim ahamiyat kasb etadi.
YHXX rahbariyati mahalla yettiligi bilan uchrashib, fuqarolar murojaatlarini tingladi hamda joylarga chiqib muammolarni bevosita oʻrgandi.
Mavjud kamchiliklarni joyida bartaraf etishga qaratilgan saʼy-harakatlar — fuqarolarning xavfsizligini oshirish, ularning kundalik hayotini qulayroq qilish yoʻlida qoʻyilgan muhim qadam boʻldi.
Mazkur tashrif va oʻrganishlar, nafaqat mavjud muammolarni hal etishga, balki kelgusida yoʻl harakati xavfsizligini yanada mustahkamlashga xizmat qiladi.
IIV Jamoat xavfsizligi departamenti Yoʻl harakati xavfsizligi xizmati Axborot xizmati