Qashqadaryo viloyat IIB rahbariyatining navbatdagi sayyor qabuli Muborak tumanida boʻlib oʻtdi
2025-08-08 09:00:00 / Yangiliklar
Qashqadaryo viloyati ichki ishlar boshqarmasi boshligʻi polkovnik Abduvoxid Ismoilov Muborak tumani Tong mahallasida jismoniy va yuridik shaxslar bilan “Ommaviy sayyor qabul” oʻtkazdi.
Unda viloyat Ichki ishlar boshqarmasi sohaviy xizmat rahbarlari, tuman hokimi hamda aloqador tashkilotlar masʼullari ishtirok etishdi.
“Sayyor qabul”da ichki ishlar organlarining tergov-surishtiruv, yoʻl harakati xavfsizligi, ijtimoiy koʻmak yoʻnalishida uy olish, ichimlik suvi uchun quvur tortish hamda ish bilan taʼminlash masalalaridagi murojaatlar qabul qilindi.
Jumladan, qabul qilingan murojaatlarning aksariyati joyida ijobiy hal etildi. “Yoshlar daftari”da roʻyxatda turuvchi fuqaro “Hududgaztaʼminot” tuman filialiga payvandchilikka ishga joylashtirildi.
Qolgan murojaatlar koʻrib chiqish uchun muddat talab etganligi sababli, ushbu murojaatlarning ijrosi boshqarma boshligʻi tomonidan alohida nazoratiga olindi.
Ayrim murojaatlar boʻyicha esa asoslantirilgan huquqiy tushuntirishlar berildi.
“Sayyor qabul” qabullar davom ettirilmoqda.
Qashqadaryo viloyati IIB Axborot xizmati