Kurash boʻyicha Osiyo chempionatida Oʻzbekiston terma jamoasi umumjamoa hisobida 1-oʻrinni egalladi
2025-08-07 17:50:00 / Yangiliklar
Joriy yilning 30-iyul – 5-avgust kunlari Janubiy Koreya davlatining Chongju shahrida sportning kurash turi boʻyicha kattalar oʻrtasida Osiyo chempionati boʻlib oʻtdi. Musobaqada 19 ta davlatdan 365 nafar yaqin sportchilar 8 ta vazn toifasida oʻzaro bellashdi.
Mazkur chempionatda Oʻzbekiston erkaklar terma jamoasi tarkibida 8 nafar ishtirokchi qatnashdi. Quvonarli jihati uch nafar ichki ishlar organlari tizimida faoliyat olib boruvchi sportchi xodimlar ham ular orasida yutimiz sharafini munosib himoya qilishda. Musobaqa yakuniga koʻra, Oʻzbekiston terma jamoasi umumjamoa hisobida toʻrtta ta oltin va ikkita bronza medaliga sazovor boʻlgan holda faxrli 1-oʻrinni egalladi.
Milliy terma jamoa tarkibida qatnashgan Jizzax viloyati IIB xodimi, kichik serjant Sanjar Saidkulov 60 kg vazn toifasida 1-oʻrinni, Navoiy viloyati IIB xodimi, serjant Muxammad Jumayev 73 kg vazn toifasida 1-oʻrinni, Qashqadaryo viloyati IIB xodimi, serjant Botir Xoliyorov 100 kg vazn toifasida 2-oʻrinni egalladi.
Chempionat yakuniga koʻra, umumjamoa hisobida ikkinchi oʻrin Vyetnam, uchinchi oʻrin esa Hindiston terma jamoasiga nasib etdi.