Namanganda huquq-tartibot maskanlari xodimlari uchun oʻquv seminar mashgʻuloti tashkil etildi
2025-08-07 12:20:00 / Yangiliklar
Namangan viloyatida jinoyat va huquqbuzarliklarni barvaqt oldini olish, mahallalarda jamoat tartibini saqlash, huquqbuzarliklar profilaktikasi va jinoyatchilikka qarshi kurashish faoliyatini bevosita amalga oshirish maqsadida 20 ta huquq tartibot maskanlari tashkil etilib, bugungi kunda toʻliq faoliyat olib bormoqda.
2025-yil 5-avgust kuni Namangan viloyati IIBning majlislar zalida Respublika ishchi guruhi vakillari tomonidan huquq tartibot maskanlari tarkibiga kiruvchi profilaktika bosh inspektorlari, HTM tarkibiga kiruvchi mahalla profilaktika inspektorlari, profilaktika kichik inspektorlari, patrul-post xizmati xodimlari, yoʻl harakati xavfsizligi xizmati kichik inspektorlari, xotin-qizlar masalalari boʻyicha katta inspektorlar, jinoyat qidiruv hamda probatsiya xizmati xodimlari uchun kengaytirilgan oʻquv seminar mashgʻuloti oʻtkazildi.
Seminarda qatnashchilarga huquq-tartibot maskanlarida tizimli tadbirlarni amalga oshirish boʻyicha buyruq talablari asosida belgilangan tartibda xizmatni tashkil etish boʻyicha tushuntirishlar berildi.
Oʻquv seminari yakunida huquq tartibot maskani tarkibidagi xodimlarni xizmat faoliyatida duch kelayotgan muammolar yuzasidan savollarga javoblar berildi.
Namangan viloyati IIB Axborot xizmati