Surxondaryoda 2025-yilning olti oyida jinoyatchilikka qarshi choralar va PQ-1-son qaror ijrosi muhokama qilindi
2025-08-07 07:00:00 / Yangiliklar
Viloyat prokuraturasining katta majlislar zalida video selektor tarzida boʻlib oʻtgan navbatdagi yigʻilishda Surxondaryo viloyat prokurori Baxtiyar Babadjanov, viloyat Davlat xavfsizlik xizmati boshligʻi Aliyor Eshmatov, viloyat IIB boshligʻi Timur Ismailov, viloyat soliq boshqarmasi rahbari Erkin Narmanov, viloyat hokimi oʻrinbosari, tegishli tashkilot boshliqlari, barcha shahar-tuman hokimlari, prokuror, ichki ishlar, soliq boshliqlari va masʼullar ishtirok etishdi.
Ushbu muhokama yigʻilishida, Prezidentimizning 2025-yil 3-yanvardagi PQ-1-son qarorlari ijrosi, mahallalarda kriminogen vaziyatni yaxshilash borasidagi ishlar, joriy yilning birinchi yarmida jinoyatchilik va huquqbuzarliklarni barvaqt oldini olish boʻyicha vazifalar ijrosi muhokama qilindi.
Shuningdek, “Е-material” axborot tizimiga jinoyatga oid ariza, xabarlarni toʻliq va sifatli kiritish, hisobga olish hamda ijro intizomiga rioya etilish holati boʻyicha amalga oshirilgan ishlar, yoʻl qoʻyilgan xato va kamchiliklar muhokama etildi.
Qolaversa, mahallalarda jinoyatchilikni jilovlash, fuqarolarimizni huquqlari, erkinliklari va qonuniy manfaatlarini himoya qilish, jamoat tartibini saqlash, shaxs, jamiyat va davlat xavfsizligini taʼminlash, jinoyat va huquqbuzarliklarga yoʻl qoʻymaslik, qonun ustuvorligini taʼminlash borasida amalga oshirilishi lozim boʻlgan manzilli ishlar boʻyicha topshiriqlar berildi.
Yigʻilishda, amalga oshirilayotgan ishlar va yoʻl qoʻyilayotgan tizimli kamchiliklar atroflicha muhokama qilinib, belgilangan ustuvor vazifalar ijrosi yuzasidan mutasaddi idoralar hisobotlari eshitildi, muammoli jihatlar boʻyicha aniq taklif va tavsiyalar berildi. Topshiriqlarni toʻliq va samarali bajarish maqsadida muvofiqlashtirilgan hamkorlik ishlarini yanada kuchaytirish zarurligi taʼkidlandi.
Surxondaryo viloyati IIB Axborot xizmati