Qashqadaryo viloyati IIB rahbariyati tomonidan tumanlarda jinoyatchilikni jilovlash, jamoat xavfsizligini taʼminlash va profilaktik tadbirlarni kuchaytirish maqsadida keng qamrovli oʻrganish va tahlil ishlari oʻtkazildi
2025-08-07 00:00:00 / Yangiliklar
Viloyat IIB boshligʻi polkovnik Abduvoxid Ismoilov dastlab, tumandagi “qizil” toifadagi Yangi hayot” mahallasida boʻlib, yettilikning kriminogen vaziyatni jilovlash, jamoat tartibini saqlash, jinoyatchilikka qarshi kurashish va uning oldini olish, sodir etilgan jinoyatlarni “issiq izlar”da fosh etish, fuqarolar xavfsizligini taʼminlash borasida amalga oshirgan ishlarini tanqidiy-tahlil etdi.
Mahallada sodir etilgan jinoyatlarni yuzaga keltirgan omillarni birma bir tahlil etib, bunga shart-sharoit yaratgan holatlarni bartaraf etish, xavfsiz muhit va osoyishta hayotga zamin yaratish, jamoat tartibini saqlash, fuqarolar xavfsizligini taʼminlash borasida amalga oshirilgan ishlar atroflicha muhokama etdi.
Fuqarolar gavjum toʻplanadigan joylar, koʻchalarga videokameralar oʻrnatish ishlarini jadallashtirish masʼullarga tushuntirildi.
Jarayonda profilaktik tadbirlarni kuchaytirish, “namunali koʻcha”, “namunali yoʻlak”lar tashkil etish ishlarini ham tahlil etilib, bu borada tuman IIB rahbarlari zimmasiga aniq vazifalar yuklandi.
Mahalla raisi tashabbusi bilan tashlandiq yarim gektar yerda barpo etilgan pavloniya bogʻi va uning yonida joylashgan issiqxona bilan tanishib, ikkita oila ishli etilgan holatni ijobiy baholab, bu boradagi ishlarni kuchaytirish boʻyicha yettilikka tavsiyalar berdi.
Oʻrganishlarni keyingi manzili Gʻuzor tuman IIB maʼmuriy binosida obodonchilik ishlarini koʻzdan kechirdi. Boshqarma boshligʻi xodimlar ish unumdorligini oshirish uchun binoda qoʻshimcha shart-sharoitlar yaratish borasida masʼullarga tegishli koʻrsatmalar berdi. Xodimlarga qulaylik yaratish maqsadida tegishli tavsiya va takliflarni berdi.
Oʻrganishlar yakunida tumanda kriminogen vaziyatni jilovlash, jinoyatlarni oldini olish, qonunbuzarliklarga barham berish borasida amalga oshirilgan ishlar tahliliga bagʻishlangan muhokama yigʻilishi boʻlib oʻtdi.
Unda boshqarma boshligʻi tuman IIB xodimlarining oʻtgan davrda jinoyatlarni oldini olish, sodir etilganlarini fosh etish faoliyatini atroflicha muhokama etib, jamoat tartibini saqlash, fuqarolar tinchligi va osoyishtaligi, mol-mulk daxlsizligini taʼminlash, huquqbuzarliklar va jinoyatlarni oldini olish uchun mahallada videokameralar oʻrnatish, xonadonlarda qoʻriqlash pulti tugmasi oʻrnatish, hamda raqamli texnologiyalar imkoniyatlarida keng foydalanish boʻyicha masʼullar zimmasiga aniq vazifalar yuklatildi.
Tumanda amalga oshirilgan tezkor va profilaktik tadbir natijalarini muhokama etib, yoʻl qoʻyilgan kamchiliklar tahlillari natijasi boʻyicha masʼullarga topshiriqlar berildi.
Boshqarma boshligʻining oʻrganishlari viloyat boʻylab davom etmoqda.
Qashqadaryo viloyati IIB Axborot xizmati