O‘zbеkiston Rеspublikаsi Ichki ishlаr vаzirligi

Prezidentimizning tashabbuslari bilan tashkil etilgan IIV Maxsus operatsiyalarni muvofiqlashtirish boshqarmasining Maxsus tayyorgarlik oʻquv markazida barpo etilgan yangi va zamonaviy majmuaning tantanali ochilish marosimida Ichki ishlar vazirligi rahbariyati, faxriylar va sohaviy xizmat rahbarlari ishtirok etdi.

Faxriylar tomonidan ramziy tasmalar kesilib yangi bino rasman ochib berildi. Binoda asosiy urgʻu tinglovchilarni nazariy koʻnikmalarini ilgʻor koʻnikmalar asosida shakllantirishga qaratilgan. Maʼruzalar va guruh tarkibida mashgʻulotlar oʻtish, laboratoriya oʻquv xonalari bilan birga yotoqxonalarda ham barcha sharoitlar yaratilgan.

Taʼkidlash joizki, ayni vaqtda maxsus operatsiyalarni oʻtkazish, sapyorlik ishi, kinologiya boʻyicha xodimlarni qisqa vaqtda tayyorlashga ixtisoslashtirilgan oʻquv markazida nafaqat ichki ishlar organlari balki boshqa huquqni muhofaza qilish organlari va harbiy tuzilmalar bilan hamkorlikda sayyor oʻquvlar ham tashkil etilmoqda. Bundan tashqari markaz mutaxassislari tomonidan hududlarda ham oʻquv mashgʻulotlari oʻtkazilib, bu borada samarali natijalarga erishilmoqda.

Hozirda oʻquv markazida yuqori malakali ilmiy xodimlar tomonidan tadqiqot ishlari ham olib borilmoqda. Tashrif buyurganlar uchun xizmat itlarini masofadan boshqarish, simulyatsion mashgʻulot maydoni kabi yangi loyihalari taqdimot qilindi.

Vazirlik rahbariyati tomonidan amaliy mashgʻulotlarni toʻliq shahar sharoitiga moslashtirib, zamonaviy tahdidlarga qarshi kurashish borasida eng soʻnggi jarayonlarni ilmiy jihatdan puxta oʻrganish boʻyicha topshiriqlar berildi.

Kelgusida Maxsus operatsiyalarni muvofiqlashtirish boshqarmasining Maxsus tayyorgarlik oʻquv markazi zamonaviy bilim va koʻnikmalarni puxta egallagan, har tomonlama xizmatga shay, yetuk mutaxassislarni yetkazib beruvchi maskan sifatida huquqni muhofaza qilish organlarida oʻziga xos oʻringa ega boʻladi.