Qoraqalpogʻiston Respublikasi Chimboy tumanida sodir boʻlgan ogʻir jinoyat muhokama qilindi
2025-08-06 10:10:00 / Yangiliklar
Yigʻilishda Qoraqalpogʻiston Respublikasi Ichki ishlar vaziri polkovnik Baxtiyar Torebekov va Chimboy tumani hokimi Aybek Tajetdinov, huquqni muhofaza qiluvchi organlar hamda tegishli muassasa va tashkilot rahbarlari, shuningdek mahalla va ovul fuqarolar yigʻinlari vakillari ishtirok etdi.
Jumladan, ayrim hududlarda mahalla yettiligi tomonidan huquqbuzarlik va jinoyatchiliklarning oldini olish borasidagi ishlarning toʻgʻri tashkil etilmaganligi ogʻir oqibatli jinoyatlar sodir etilishiga sabab boʻlmoqda. Shu bois yigʻilishda mahalla fuqarolar yigʻinlari vakillari va hamkor tashkilotlar xodimlariga sodir etilgan holatlardan toʻgʻri xulosa chiqarib, kelgusida bunday jinoyatlarning oldini olish boʻyicha topshiriqlar berildi.
Tadbirda taʼkidlanganidek, jinoyatlarning oldini olishda — nafaqat huquqni muhofaza qiluvchi organlardan, balki har bir fuqarodan faollik talab etiladi. Shunday ekan atrofimizda yuz berayotgan voqealarga befarq boʻlmasligimiz kerak. Chunki yashab turgan hududimizning huquqbuzarlik va jinoyatlardan xoli boʻlishi — oʻzimiz va yaqinlarimizning xavfsiz hayot kechirishiga xizmat qiladi.
Tadbir yakunida kelgusi vaqtlarda huquqbuzarlik va jinoyatchiliklarning, shu bilan birga boshqa favqulodda holatlarning oldini olish boʻyicha yigʻilgan masʼul xodimlarga vazifalar belgilab berildi.
Qoraqalpogʻiston Respublikasi IIV Axborot xizmati