Fargʻona viloyati IIBda faxriylar va yangi ish boshlagan yosh xodimlar ishtirokida uch avlod uchrashuvi oʻtkazildi
2025-08-06 10:15:00 / Yangiliklar
Viloyat IIB Maʼnaviy-maʼrifiy ishlar va kadrlar bilan taʼminlash xizmati hamda Boshqarma Faxriylar kengashi hamkorligida Ichki ishlar vazirligi Akademiyasini 2025-yilda tamomlab, xizmatni yangi boshlagan yosh xodimlar bilan uch avlod oʻtkazildi.
Tadbirda Faxriylar kengashi raisi va uning aʼzolari soʻzga chiqib, yosh xodimlarga xizmat davomida asqotadigan muhim va qimmatli maslahatlarni berdilar.
Ustozlar oʻzlarining boy tajribalari haqida oʻrtoqlashib, yoshlarni sergaklikka, halollikka va fidoiylikka chorladilar. Kasbga sadoqat va halol mehnatgina insonni elda aziz va mukarram qilishi, ichki ishlar organi faxriysi degan yuksak martabaga olib borishi hayotiy misollar bilan tushuntirildi.
Tadbir davomida yosh xodimlar oʻzlarini qiziqtirgan savollarga faxriylardan javob oldilar.
Fargʻona viloyati IIB Axborot xizmati