“Xavfsiz va sogʻlom yurt” keng qamrovli tezkor profilaktik tadbirining ikkinchi bosqichi doirasida Qashqadaryo viloyati IIB tomonidan Yakkabogʻ tumanida oʻrganishlar olib borildi
2025-08-04 14:10:00 / Yangiliklar
Prezidentimizning 2025-yil 3-yanvar kunidagi 1-sonli Qarori va ichki ishlar organlarida oʻtkazilayotgan “Xavfsiz va sogʻlom yurt” keng qamrovli tezkor profilaktik tadbirining ikkinchi bosqichi doirasida Qashqadaryo viloyati Ichki ishlar boshqarmasi boshligʻi polkovnik Abduvoxid Ismoilov Yakkabogʻ tuman IIBda kriminogen vaziyatni jilovlash, jamoat tartibini saqlash borasida amalga oshirilgan yuzasidan oʻrganishlar olib bordi.
Boshqarma boshligʻi Yakkabogʻ tumani “Jambul” mahallasini borib koʻrib, jamoat tartibini saqlash, xavfsiz muhit yaratish va jinoyatchilikning oldini olish boʻyicha olib borilayotgan ishlar bilan tanishdi.
Tahlil jarayonida aholi gavjum joylar, bozorlar va koʻpqavatli uylarga videokameralar, domofonlar va tashvish tugmalari oʻrnatilgani, “namunali koʻcha” va “namunali yoʻlak”lar tashkil etilgani qayd etildi. Jinoyatlarni “issiq izlar”da fosh etishda tezkor va sohaviy xizmatlar hamda huquqni muhofaza qiluvchi organlar oʻrtasidagi hamkorlikni kuchaytirish zarurligi taʼkidlandi.
Shuningdek, “xonadonbay” va “mahallabay” usulida qonunbuzarliklarning oldini olish, giyohvandlik va psixotrop moddalarga qarshi profilaktika ishlarini kuchaytirish boʻyicha tegishli topshiriqlar berildi.
Mahallada taʼmirlanayotgan bino koʻzdan kechirilib, fuqarolar uchun qulayliklar yaratish yuzasidan tavsiyalar berildi.
Oʻtkazilayotgan “Xavfsiz va sogʻlom yurt” keng qamrovli tezkor profilaktik tadbiri doirasida bozorlarda, aholi gavjum joylarda jamoat tartibini saqlash, jinoyatlarni erta aniqlab oldini olish, huquqbuzarliklarga qarshi kurashni kuchaytirish maqsadida tuman “Oziq-ovqat va dehqon bozori”da oʻrganishlar olib bordi.
Jamiyatda jamoat tartibini saqlash, fuqarolar tinchligi va osoyishtaligi, mol-mulk daxlsizligini taʼminlash, huquqbuzarliklar va jinoyatlarni oldini olish uchun bozorda videokameralar oʻrnatish, doʻkonlarni qoʻriqlash pultiga topshirish hamda raqamli texnologiyalar imkoniyatlarida keng foydalanish boʻyicha bozor rahbariyati zimmasiga aniq vazifalar qoʻydi.
Xizmatga jalb etilgan ichki ishlar organlari sohaviy xizmatlari va Qoʻriqlash xizmati xodimlariga qonunbuzarliklarni barvaqt aniqlab oldini olish, xizmat samaradorligini oshirish, jamoat joyi hamda turli koʻngilochar maskanlarda maqsadsiz yurishlarini bartaraf etishga oid topshiriq va koʻrsatmalar berdi.
Oʻrganishlar yakunida tumanda kriminogen vaziyatni jilovlash, jinoyatlarni oldini olish, qonunbuzarliklarga barham berish borasida amalga oshirilgan ishlar tahliliga bagʻishlangan muhokama yigʻilishi boʻlib oʻtdi.
Yigʻilishda boshqarma boshligʻi tuman IIB xodimlarining oʻtgan davrdagi faoliyati atroflicha muhokama etilib, ulardagi muvaffaqiyat va kamchiliklar tahlil etildi. Amalga oshirilayotgan profilaktik tadbir natijalari koʻrib chiqildi va tahlillar boʻyicha masʼullarga muhim topshiriqlar berildi. Faoliyat samaradorligiga ijobiy taʼsir koʻrsatuvchi omillarga alohida toʻxtalib oʻtildi.
Shuningdek, kengaytirilgan yigʻilishda yoʻl qoʻyilgan kamchiliklar keng muhokama etilib, kun tartibiga kiritilgan masalalar yuzasidan tegishli qaror qabul qilindi.
Qashqadaryo viloyati IIB Axborot xizmati