O‘zbеkiston Rеspublikаsi Ichki ishlаr vаzirligi

Yurtimizda fuqarolar bilan ochiq muloqot olib borish, ularni qiynayotgan muammolarga bevosita joyida yechim topish, ayniqsa, yoʻl harakati xavfsizligini taʼminlash borasidagi taklif va tashabbuslarni oʻrganish bugungi kundagi dolzarb masalalardan biridir.

Shu maqsadda IIV JXD YHXX rahbariyati tomonidan respublikaning turli hududlarida muntazam ravishda sayyor qabullar tashkil etilmoqda.

Navbatdagi sayyor qabul davomida ham fuqarolar tomonidan yoʻl infratuzilmasidagi mavjud muammolar, piyodalar va transport vositalari harakati xavfsizligini taʼminlash, yoʻl belgilarining yetishmasligi, yoritish chiroqlari, piyodalar oʻtish joylari va transport oqimining tartibga solinishi kabi masalalar koʻtarildi.

Qabul jarayonida har bir murojaat sinchkovlik bilan tinglandi. Masʼullar joyning oʻzida tegishli oʻrganish ishlarini olib borib, ayrim muammolarga shu yerning oʻzida amaliy yechim topildi.

Jumladan, muayyan koʻchalarga yoʻl belgilarini oʻrnatish, svetofor chiroqlarini yangilash, xavfli yoʻl kesishmalariga qatnovni tartibga soluvchi texnik vositalarni oʻrnatish boʻyicha koʻrsatmalar berildi va bu borada tegishli xizmatlarga topshiriqlar yuklatildi.

Bundan tashqari, qator fuqarolarga qonunchilik doirasida tushuntirishlar berilib, ularning huquqiy savodxonligini oshirishga ham alohida eʼtibor qaratildi. Ayrim holatlarda murojaat egalarining vakolatli idoralar bilan bogʻliq masalalari ham oʻrganilib, ular boʻyicha tezkor tarzda aloqa yoʻlga qoʻyildi.

Sayyor qabullarning asosiy maqsadi — xalq va davlat organlari oʻrtasidagi ishonchli muloqotni mustahkamlash, mavjud muammolarni ortga surmasdan, bevosita joyida hal qilishga erishishdir.

Eng muhimi, ushbu tadbir fuqarolarning davlat idoralariga boʻlgan ishonchini oshirishga, ularning muammolari tinglanayotganini va amalda hal etilayotganini koʻrsatishga xizmat qilmoqda.

IIV Jamoat xavfsizligi departamenti Yoʻl harakati xavfsizligi xizmati Axborot xizmati