Ichki ishlar vazirligiga biriktirilgan Buxoro shahridagi 32-sonli umumtaʼlim maktabida manzilli ishlar amalga oshirilmoqda
2025-08-02 09:00:00 / Yangiliklar
Oʻzbekiston Respublikasi Ichki ishlar vaziri oʻrinbosarining tegishli Farmoyishiga asosan umumiy oʻrta taʼlim maktablariga tashkiliy va tarbiyaviy-metodik jihatdan manzilli koʻmaklashish maqsadida Buxoro shahridagi 32-sonli umumtaʼlim maktabi Buxoro viloyati Ichki ishlar boshqarmasiga biriktirilgan edi.
Oʻtgan davr mobaynida mazkur umumtaʼlim maktabida taʼlim sifatini yaxshilash, oʻquvchilarning bilim olishlari uchun yetarli shart-sharoitlarni yaratish hamda yoshlarni Vatanga muhabbat ruhida tarbiyalash maqsadida keng koʻlamli chora-tadbirlar olib borildi.
Ichki ishlar boshqarmasi boshligʻi boshchiligidagi mutasaddilar yangi oʻquv yiliga tayyorgarlik ishlari surʼati bilan tanishish maqsadida ushbu taʼlim muassasasida boʻlishdi.
Jarayonda maktabning maʼmuriy binosi, oʻquv xonalari va infratuzilmasi birma-bir koʻzdan kechirilib, jarayonda mavjud muammolar aniqlandi va bajarilishi lozim boʻlgan galdagi vazifalar yuzasidan masʼullarga zaruriy koʻrsatma hamda topshiriqlar berildi.
Buxoro viloyati IIB Axborot xizmati