IIV Akademiyasi magistraturasiga qabul jarayonlari boʻlib oʻtmoqda
2025-08-01 16:25:00 / Yangiliklar
Ichki ishlar organlaridagi islohotlar samarasi koʻp jihatdan tizimdagi rahbar kadrlarga bogʻliq.
Ana shu maqsadda davlatimiz rahbarining qarori bilan IIV akademiyasida magistratura faoliyati yoʻlga qoʻyilgan edi. Yangi tizim soha uchun zamonaviy boshqaruv kadrlarini tayyorlashga imkon bermoqda.
Ayni kunlarda magistraturaning “tashkiliy-strategik boshqaruv”, “tashkiliy-taktik boshqaruv” hamda “ilmiy-pedagogik faoliyat” mutaxassislik yoʻnalishlariga qabul jarayonlari boʻlib oʻtmoqda.
Imtihonlar maxsus kasbiy tanlov (yozma ish va test sinovi) hamda yakka tartibdagi yakuniy suhbat shaklida oʻtkazilmoqda. Yakuniy suhbat Oʻzbekiston Respublikasi Prezidenti Administratsiyasi masʼullari, Ichki ishlar vazirligi sohaviy xizmatlari rahbarlari, tajribali mutaxassislar va professor-oʻqituvchilardan iborat komissiya tomonidan qabul qilinmoqda. Muhimi, har bir nomzodning bilimi xolisona va adolatli baholanmoqda.
Imtihonlar tugagandan soʻng yakuniy natijalar eʼlon qilinadi va istiqbolli kadrlar magistraturada oʻqish imkoniyatiga ega boʻladi.
IIV Akademiyasi Axborot xizmati