IIV Akademiyasi professor-oʻqituvchilari tomonidan hududlarda sayyor oʻquv-amaliy seminarlar oʻtkazildi
2025-08-01 16:15:00 / Yangiliklar
Xorazm, Buxoro, Navoiy, Samarqand, Namangan viloyatlari hamda Qoraqalpogʻiston Respublikasida tashkil etilgan mashgʻulotlarga tuman-shahar ichki ishlar organlari boshliqlari jalb qilindi.
Mashgʻulotlarda mahallalarning kriminogen vaziyatini baholash va prognoz qilish, hududlarda huquqbuzarliklarning barvaqt oldini olish, aholi bilan manzilli ishlash, “oila – maktab – mahalla” tamoyili asosida voyaga yetmaganlar oʻrtasida profilaktik chora-tadbirlarni samarali tashkil etish, ichki ishlar organlarida qonunchilik va xizmat intizomini mustahkamlash kabi dolzarb masalalar yoritilib, amaliyotga tatbiq qilinayotgan yangicha mexanizmlar tushuntirildi. Shu bilan birga, hududlardagi ayrim muammolar tahlil qilinib, ularning ilmiy-amaliy yechimlari yuzasidan atroflicha fikr almashildi.
Muhimi, oʻtkazilgan mashgʻulotlar soha xodimlarining bilim va koʻnikmalarini yuksaltirish orqali tizim samaradorligini oshirish, mahallalarda kriminogen vaziyatni barqarorlashtirishga qaratilgan ishlarni samarali tashkil etishda muhim ahamiyat kasb etmoqda.
IIV Akademiyasi Axborot xizmati