IIV Qorovul qoʻshinlari harbiy xizmatchilari uchun navbatdagi oʻquv-uslubiy yigʻin tashkillashtirildi
2025-07-31 19:45:00 / Yangiliklar
Mazkur yigʻin, Qorovul qoʻshinlari qoʻmondonining 2025-yil 17-iyul kunidagi tegishli buyrugʻiga koʻra,7531-harbiy qism negizida, qoʻshindagi Harbiy qism komandirlarining texnika va qurol-aslaha boʻyicha oʻrinbosarlari hamda avtomobil xizmati boshliqlari uchun tashkil etildi. Yigʻin davomida, harbiy xizmatchilarga amaliy dars mashgʻulotlari, shuningdek, Qurolli Kuchlar Akademiyasida Avtomobil va zirhli texnikalarni oʻquv trenajyorda boshqarish boʻyicha mashgʻulotlar oʻtildi, Mudofaa Sanoati agentligiga qarashli “MS REM TEX” MCHJ da esa taʼmirlash ishlari bilan tanishishdi.
Uch kunlik oʻquv-uslubiy yigʻin yakunida, harbiy xizmatchilarning texnik taʼminot va avtomobil xizmatlarida amalga oshirilgan ishlari, yoʻl qoʻyilgan nuqson va kamchiliklari yuzasidan tahlil oʻtkazilib, kelgusida bajarilishi lozim boʻlgan ishlar boʻyicha aniq vazifalar belgilab olindi.
IIV Qorovul qoʻshinlari qoʻmondonligi Axborot guruhi