Navoiy viloyati IIBda yangidan faoliyatini boshlagan yosh xodimlarga murabbiylar biriktirildi
2025-07-30 09:00:00 / Yangiliklar
Yosh xodimlarni har tomonlama qoʻllab-quvvatlash, yoʻl-yoʻriq koʻrsatish ichki ishlar xodimlarining namunali imijini yaratishda, kasb mahoratini oshirishda muhim jarayon hisoblanadi.
Bunda “Ustoz-shogird“ anʼanasi alohida ahamiyatga ega. Ayni maqsadda Navoiy viloyati IIBda IIV Akademiyasi hamda Jamoat xavfsizligi universitetini tugatib, ichki ishlar organlari safida xalq tinchligi va osoyishtaligini taʼminlashga bel bogʻlagan yoshlar bilan uchrashuv tashkil etildi.
Dastlab soʻzga chiqqan viloyat IIB boshligʻi oʻrinbosari ularni xizmatga qabul qilinganligini rasman eʼlon qilib, kelgusi faoliyatida omad va zafarlar tiladi. Jarayonda sohaning yosh vakillariga koʻp yillik tajriba va malakaga ega murabbiylar biriktirildi.
Shuningdek, xizmat intizomi va qonunchilik asosida oʻrnatilgan intizom meʼyorlariga amal qilishlari, oʻz vazifasiga masʼuliyat bilan yondashishi, halol va adolatli boʻlishlari lozimligi taʼkidlandi.
Navoiy viloyati IIB Axborot xizmati