Surxondaryo viloyati IIB rahbariyati tomonidan tumanlarda jinoyat va huquqbuzarliklarni barvaqt oldini olish hamda Prezident qarori ijrosini taʼminlash borasidagi ishlar oʻrganildi
2025-07-30 09:00:00 / Yangiliklar
Surxondaryo viloyati IIB boshligʻi tomonidan Termiz shahrida jinoyat va huquqbuzarliklarni barvaqt oldini olish, Prezidentimizning 2025-yil 3-yanvardagi PQ-1-son qarorlari ijrosi hamda mahallalarda kriminogen vaziyatni yaxshilash borasidagi ishlar oʻrganildi.
Surxondaryo viloyati IIB boshligʻi polkovnik Timur Ismailov kriminogen vaziyati ogʻir boʻlgan Termiz shahridagi “Katta bogʻ”, “Sahovat” hamda “Surxon sohili” mahallalariga tashrif buyurib, amalga oshirilgan ishlarni koʻzdan kechirib, mahalla yettiligi aʼzolari ishtirokida uchrashuv oʻtkazdi.
Uchrashuv davomida, mahalla hududida jinoyat va huquqbuzarliklar sodir etilishiga yoʻl qoʻymaslik, yoʻl harakati xavfsizligini taʼminlash borasida ishlab chiqilgan yoʻl xarita, mahallani xavfsiz hududga aylantirish boʻyicha amalga oshirilayotgan ishlar koʻzdan kechirildi.
Shuningdek, jamoat tartibini mustahkamlash, fuqarolarning xavfsizligini taʼminlash va yoʻl harakati qoidalariga rioya etilishi masalalariga alohida urgʻu berildi. Viloyat IIB boshligʻi ushbu yoʻnalishlarda olib borilayotgan chora-tadbirlarni yanada kuchaytirish zarurligini taʼkidladi.
Shu bilan birga Prezidentimizning 2025-yil 3-yanvardagi PQ-1-sonli qarori ijrosi, ijtimoiy profilaktika hamda mahalla yettiligi hamkorligida amalga oshirilayotgan ishlar ham oʻrganilib, bu borada yoʻl qoʻyilgan kamchiliklarni bartaraf etish yuzasidan tegishli tavsiya va koʻrsatmalar berildi.
Uchrashuv yakunida, tuman masʼullariga mahallalarda fuqarolar xavfsiz yashashlari uchun barcha chora-tadbirlarni amalga oshirish lozimligi aytilib, mahalla hududini xavfsiz maskanga aylantirish boʻyicha masʼullarga tegishli topshiriq va koʻrsatmalar berdi.
Surxondaryo viloyati IIB Axborot xizmati