Buxoro viloyati Ichki ishlar boshqarmasi rahbariyatining jismoniy va yuridik shaxslar murojaatlari yechimiga doir navbatdagi shaxsiy qabul boʻlib oʻtdi
2025-07-28 11:10:00 / Yangiliklar
Qabulda Ichki ishlar boshqarmasi boshligʻi tomonidan fuqarolar, yuridik shaxslar va ularning qonuniy vakillari, shuningdek, ichki ishlar organlari xodimlari bilan yuzma-yuz muloqot qilinib, 40 ga yaqin ichki ishlar organlari faoliyati hamda sud-huquq sohasiga doir murojaatlar birma-bir koʻrib chiqildi.
Asosiy eʼtibor, murojaatlarning joyida hal etilishiga qaratilib, qoʻshimcha oʻrganish va qonuniy qaror qabul qilish uchun vaqt talab qilganlari yurituvga olindi va ijrosi yuzasidan manzilli chora-tadbirlar belgilanib, tegishli sohaviy xizmatlar rahbarlariga bajarish muddatlari aniq koʻrsatilgan koʻrsatma va topshiriqlar berildi.
Bu kabi qabullar tasdiqlangan reja asosida viloyat hamda hududiy ichki ishlar organlari rahbarlari tomonidan doimiy ravishda oʻtkazib boriladi.
Buxoro viloyati IIB Axborot xizmati