Surxondaryo viloyati IIBda fuqarolar uchun tergov va surishtiruv sohasiga oid navbatdagi sayyor qabul oʻtkazildi
2025-07-27 09:00:00 / Yangiliklar
Jismoniy va yuridik shaxslarning murojaatlarini koʻrib chiqish, fuqarolarning soha bilan bogʻliq muammolariga ijobiy yechim topish maqsadida Surxondaryo viloyatida doimiy ravishda sayyor qabullar oʻtkazib kelinmoqda.
Jumladan, joriy yilning 26-iyul kuni, Surxondaryo viloyati IIB boshligʻi oʻrinbosari, Tergov boshqarmasi boshligʻi podpolkovnik Xurshid Atanazarov tomonidan Termiz shahar, Angor hamda Termiz tumani fuqarolari uchun Termiz shahrida navbatdagi sayyor qabul oʻtkazildi.
Sayyor qabul davomida asosiy eʼtibor, murojaat bilan kelgan fuqarolarning muammolarini joyida hal etish hamda ularga huquqiy maslahatlar berishga qaratilib, buning uchun masʼul xodimlar qatnashishlari taʼminlandi.
Qabul davomida, Tergov boshqarmasi boshligʻi tomonidan jami 10 nafar fuqarolarning murojaatlari oʻrganildi.
Ushbu 10 nafar fuqarolarning murojaatlari boʻyicha, 6 tasi joyida ijobiy hal etilgan boʻlsa 4 ta murojaatlar vaqt talab qilganligi bois masʼul xodimlarga yoʻnaltirilib, ijrosi nazoratga olindi.
Surxondaryo viloyati IIB Axborot xizmati