IIV Akademiyasi 2-oʻquv kursi kursantlari bilan ish oʻrganish amaliyoti yakunlari boʻyicha tahliliy muhokama yigʻilish oʻtkazildi
2025-07-27 09:00:00 / Yangiliklar
Namangan viloyatiga amaliyot oʻtash uchun kelgan IIV Akademiyasi 2-oʻquv kursi kursantlari bilan ish oʻrganish amaliyoti yakuni boʻyicha tahliliy muhokama boʻlib oʻtdi.
Muhokamada viloyat Ichki ishlar boshqarmasi sohaviy xizmatlarning masʼul xodimlari, IIV Akademiyasi professor oʻqituvchilari hamda kursantlar ishtirok etib, kursantlarining ish oʻrganish amaliyoti davrida, xizmat intizomi va qonunchilikka rioya qilganliklari, Akademiyada olgan nazariy bilimlarini amaliy jihatdan qoʻllay olganliklari, shuningdek jinoyatchilikning oldini olish, fuqarolar xavfsizligini taʼminlash, jamoat tartibini saqlashdagi ishtiroklari muhokama qilindi.
Shundan soʻng boshqarma sohaviy xizmatlarining malakali xodimlaridan iborat — yakuniy nazorat sinovini qabul qilish komissiyasi tomonidan har bir kursant bilan ularga biriktirilgan murabbiylari ishtirokda sinovlar qabul qilindi.
Yigʻilish soʻngida har bir kursantning faoliyatiga xolisona baho berilib, xizmat tavsifnomalari IIV Akademiyasiga yuborish choralari koʻrildi.
Namangan viloyati IIB Axborot xizmati