Namangan shahar Ichki ishlar boshqarmasi xodimlarining faoliyati oʻrganildi
2025-07-26 14:15:00 / Yangiliklar
Bugun viloyat ichki ishlar boshqarmasi rahbariyati tomonidan shahar IIB xodimlarining oʻtgan davr mobaynida jinoyatchilik va huquqbuzarliklarning oldini olish, mahallalarda xavfsiz muhitni shakllantirish, jamoat va yoʻl harakati xavfsizligini taʼminlash borasidagi faoliyati chuqur tahlil qilinib, kelgusidagi ustuvor vazifalari muhokama qilindi hamda yoʻl qoʻyilgan kamchiliklar yuzasidan masʼullar ogohlantirildi.
Oʻrganishda shahar IIB rahbariyatining kelgusidagi belgilangan chora-tadbirlari boʻyicha taqdimoti bilan tanishilib, bu boʻyicha axboroti tinglandi.
Shuningdek, shahar hududidagi “qizil” toifadagi mahallalarda manzilli ishlarni tashkil etish, jamoat xavfsizligini taʼminlash, ayollar va yoshlar oʻrtasidagi jinoyatchilikni oldini olish, yoʻl infratuzilmasini yaxshilash hamda tirbandliklarni oldini olish boʻyicha masʼul rahbar va xodimlarga aniq topshiriqlar berildi.
Namangan viloyati IIB Axborot xizmati