IIV Akademiyasida malaka oshirayotgan inspektor-psixologlarga xizmat intizomiga oid talablar yetkazildi
2025-07-25 19:55:00 / Yangiliklar
SHXBBning taʼlim muassasalari boʻyicha boʻlimi tomonidan oʻtkazilgan tadbirda ichki ishlar organlari tizimida amalga oshirilayotgan izchil islohotlar, soha xodimlariga qoʻyilayotgan talab va mezonlar xususida soʻz bordi.
Boʻlim vakillari tizim obroʻyiga putur yetkazayotgan ayrim holatlarga toʻxtalib, har bir xodim ichki ishlar organlariga qabul qilingan kundan boshlab xizmat intizomiga qatʼiy rioya etishi, xizmatdan tashqari vaqtlarda odob-axloq qoidalariga amal qilishi, turli nojoʻya xatti-harakatlardan oʻzini tiyishi kerakligini taʼkidlab oʻtishdi.
Profilaktik tadbirda korrupsiya va suiisteʼmolchilikni keltirib chiqaruvchi vaziyatlar haqida ham tushuncha berilib, bunday holatlarga yoʻl qoʻymaslik boʻyicha tinglovchilarga tavsiyalar berildi.
IIV Akademiyasi Axborot xizmati