Buxoro shahridagi “Varaxsha” mahallasida kriminogen vaziyatni yaxshilash, aholi bandligini taʼminlash va daromadlarini oshirish borasida belgilangan chora-tadbirlar ijrosi oʻrganildi
2025-07-25 11:30:00 / Yangiliklar
Mahalla fuqarolar yigʻini binosida boshlangan oʻrganishlar davomida “mahalla yettiligi” faoliyati, ishsizlik va kambagʻallikni qisqartirish, aholi farovonligini oshirish, aholi kayfiyatiga salbiy taʼsir koʻrsatuvchi muammolarni hal qilish, xotin-qizlar va yoshlar, migratsiyadagilar bilan manzilli ishlash, jinoyat va huquqbuzarliklarning oldini olish borasida amalga oshirilayotgan ishlar borasida mahalla masʼullarining axborotlari tinglandi.
Jarayonda odamlarning tadbirkorlik tashabbuslarini qoʻllab-quvvatlash, mahallada kichik biznes va xususiy tadbirkorlikni rivojlantirish, aholining daromadi va farovonligini oshirish, pirovardida jinoyatchilikka barham berish zarurligi qayd etildi.
Shuningdek, mahalladagi ishsiz fuqarolar bilan birma-bir suhbat oʻtkazildi. Ularning qiziqishiga qarab daromadli ish oʻrinlari taklif qilindi.
Fuqarolar asosan ish bilan taʼminlash, moddiy yordam, uy-joyni kadastr qilish, kredit ajratish kabi masalalarda murojaat yoʻllashdi.
Murojaatlarning aksariyati joyida oʻz yechimini topdi, vaqt talab qiladigan masalalar boʻyicha masʼullarga topshiriqlar berildi.
Shundan soʻng mutasaddilar, “mahalla yettiligi” va boshqa masʼullar bilan birgalikda kam taʼminlangan oilalarning turmush sharoitlari bilan yaqindan tanishishdi. Oila vakillari bilan muloqot qilib, ularning muammolarini oʻrganishdi.
Mahallaning koʻp qavatli binolari koʻchalarini koʻzdan kechirish jarayonida, PQ-1 son qaror talablari asosida xavfsiz yoʻlak talablarining bajarilganligi ham oʻrganildi.
Bu kabi oʻrganishlar Buxoro viloyatining boshqa barcha mahallalarida davom ettiriladi.
Buxoro viloyati IIB Axborot xizmati