Ichki ishlar vazirligi rahbariyati Surxondaryo viloyatida oʻrganishlar olib bormoqda
2025-07-24 18:00:00 / Yangiliklar
Ichki ishlar vaziri oʻrinbosari general-mayor Mirzaraximov Baxodir Yuldashevich tomonidan Surxondaryo viloyatining Sariosiyo tumani ichki ishlar boʻlimi xodimlarining xizmat faoliyati koʻzdan kechirildi.
Tuman IIBning jamoat tartibini saqlashga masʼul xodimlari va boshqa huquqni muhofaza qiluvchi organ vakillari ishtirokida yoʻriqnoma oʻtkazilib, vaziri oʻrinbosari tomonidan shaxsiy tarkibga jinoyat va huquqbuzarliklarning oldini olish hamda hududda kriminogen vaziyatni barqarorlashtirish chora-tadbirlarini yanada kuchaytirish lozimligi, xizmatni oʻtash vaqtida fuqarolar bilan xushmuomala munosabatda boʻlish, xizmat intizomi va qonunchilikka rioya etish zarurligini taʼkidladi.
Shuningdek, aholi xavfsizligini ishonchli taʼminlashda ahamiyat qaratilishi muhim boʻlgan jihatlar yuzasidan koʻrsatmalar berildi.
Shuningdek, vazir oʻrinbosari tomonidan viloyatning bevosita tumanlar kesimida, hududlarida jamoat tartibini saqlash, huquqbuzarliklarning barvaqt oldini olish va jinoyatchilikka qarshi kurashish sohasida amalga oshirilgan ishlar birma-bir tahlil qilinib, xodimlar oʻrtasida xizmat va ijro intizomi, qonunchilik talablariga qatʼiy rioya qilishlari, boʻlinmalarning jangovar tayyorgarligi va shayligini oshirish, sport mashgʻulotlari bilan muntazam ravishda shugʻullanib borish borasida koʻrsatmalar berildi.
Surxondaryo viloyati IIB Axborot xizmati