Toshkent shahar Ichki ishlar bosh boshqarmasida «8-mart – Xalqaro xotin-qizlar kuni” bayramiga bagʻishlangan tantanali tadbir boʻlib oʻtdi
2024-03-09 11:35:00 / Yangiliklar
Bayram tadbirida Toshkent shahar Ichki ishlar bosh boshqarmasi rahbariyati, ayol xodimalar, ichki ishlar organlari faxriylari, xizmat burchini bajarish chogʻida qahramonlarcha halok boʻlgan xodimlarning ayollari va onalari, Ichki ishlar vazirligining 1-son akademik litseyi oʻqituvchi va oʻquvchilari ishtirok etdilar.
Tantanali tadbirni Toshkent shahar Ichki ishlar bosh boshqarmasi boshligʻi, general mayor Aziz Tashpulatov ochib, barcha yigʻilgan ayollarni bayram bilan tabrikladi. Bosh boshqarma boshligʻi ayol boʻlishiga qaramay, safdagi erkaklar bilan yelkama-yelka turib, davlatiga, xalqiga sadoqat bilan xizmat qilayotgan ayol xodimalarga oʻz ehtiromini bildirdi.
Tadbir davomida yuqori natijalarga erishgan xodimalarga mukofot va unvonlar topshirildi. Ichki ishlar organlarida koʻp yillar faoliyat olib borgan faxriy ayollar, xizmat burchini oʻtash chogʻida halok boʻlgan xodimlarning oila aʼzolari ham eʼtibordan chetda qolmadi. Toshkent shahar Ichki ishlar bosh boshqarmasi xodimlaridan tashkil topgan “Nihol” guruhining konsert dasturi bilan chiqishlari esa yoqimli sovgʻa boʻldi.
Toshkent shahar IIBB Axborot xizmati