Samarqand viloyati Qoʻshrabot tumanidagi “qizil” toifaga mansub mahallalarda kriminogen vaziyat barqarorligini taʼminlash borasida olib borilayotgan ishlar oʻrganildi
2025-07-22 11:20:00 / Yangiliklar
Samarqand viloyati IIB boshligʻi polkovnik Raxmat Mamatov tomonidan Qoʻshrabot tumanidagi “qizil” toifaga mansub Qoʻrolos mahallasida hududning kriminogen vaziyati hamda fuqarolar xavfsizligi doirasida olib borilayotgan ishlar oʻrganildi.
Mahalla hududida xavfsiz muhitni yaratish, osoyishtalikni taʼminlash, jinoyat va huquqbuzarliklarning barvaqt oldini olish ishlariga yanada jiddiyroq yondashish lozimligi taʼkidlandi.
Shu maqsadda qilingan ishlar tuman hokimligi, IIB rahbar va masʼullari hamda mahalla yettiligi ishtirokida, amalga oshirilishi lozim boʻlgan vazifalar boʻyicha ishlab chiqilgan “yoʻl xarita” asosida muhokama etildi.
Boshqarma boshligʻi hududning kriminogen vaziyati, xavfsizligi, sodir etilayotgan jinoyat va huquqbuzarliklarning shart-sharoitlari va ayrim turdagi huquqbuzarliklar profilaktikasiga yangicha ish uslublarini tatbiq etish kerakligi haqida gapirib oʻtdi.
Shuningdek, hududdagi savdo doʻkonlari va boshqa obyektlarni qoʻriqlash pultiga ulash va ularning imkoniyatlaridan samarali foydalanish lozimligi alohida taʼkidlandi.
Hududda oʻrnatilgan kuzatuv kameralarining ishlash tartibi, mahalla yettiligi va fuqarolar oʻrtasida onlayn va zamonaviy oʻzaro muloqotni toʻgʻri tashkillashtirish, fuqarolarning hayoti va mol-mulkiga boʻladigan har qanday tajovuzlarning oldini olishga barcha birdek masʼul ekanligiga toʻxtalib oʻtildi.
Samarqand viloyati IIB Axborot xizmati