Surxondaryoda ichki ishlar xodimlari uchun jangovar tayyorgarlik boʻyicha sayyor oʻquv mashgʻulotlari oʻtkazildi
2025-07-22 11:05:00 / Yangiliklar
Oʻzbekiston Respublikasi Ichki ishlar vazirining 2025-yil 5-iyuldagi tegishli farmoyishiga asosan IIV masʼul xodimlari ishtirokida Surxondaryo viloyatining Jarqoʻrgʻon, Qumqoʻrgʻon va Angor tumanlari ichki ishlar boʻlimlari hamda viloyat IIB Jamoat xavfsizligi xizmati Yoʻl harakati xavfsizligi boshqarmasi shaxsiy tarkibi uchun jismoniy va jangovar tayyorgarlik, maxsus vositalar, elektroshoker va jangovar oʻqotar qurollardan foydalanish hamda ularni qoʻllash boʻyicha koʻnikmalarni mustahkamlashga qaratilgan oʻquv-amaliy mashgʻulotlar oʻtkazildi.
Mashgʻulotlar davomida ishtirokchilarga maxsus vositalar, elektroshoker va jangovar oʻqotar qurollarning taktik-texnik xususiyatlari, ularni olib yurish va saqlash tartibi, xavfsizlik qoidalari hamda qurolni qoʻllash shartlari va uning huquqiy asoslari toʻgʻrisida batafsil tushuntirishlar berildi.
Shuningdek, portlovchi yoki shubhali vositalar aniqlangan holatlarda ichki ishlar organlari xodimlari tomonidan amalga oshirilishi lozim boʻlgan dastlabki harakatlar boʻyicha amaliy koʻrsatmalar ham taqdim etildi.
Ushbu mashgʻulotlar Surxondaryo viloyati IIBning barcha hududlarida tizimli ravishda tashkil etilmoqda hamda shaxsiy tarkibning malakasini oshirish va amaliy tayyorgarligini mustahkamlashga qaratilgan.
Surxondaryo viloyati IIB Axborot xizmati