Ichki ishlar vaziri oʻrinbosari general mayor B.Yu.Mirzaraximov tomonidan Sirdaryo viloyati transportida xavfsizlikni taʼminlash boshqarmasi xodimlariga amalga oshirilishi zarur boʻlgan vazifalar belgilandi
2024-03-05 19:30:00 / Yangiliklar
Ichki ishlar vaziri oʻrinbosari Sirdaryo viloyati transportida xavfsizlikni taʼminlash boshqarmasiga tashrif buyurib, xodimlar bilan uchrashib, 2024-yil uchun moʻljallangan bir qator manzilli chora-tadbirlarni jadallashtirish, xususan temir yoʻl transportida yoʻlovchi fuqarolar va tashilayotgan yuk vagonlarining xavfsizligini taʼminlash, jinoyat va huquqbuzarliklarning barvaqt oldini olish, xodimlar oʻrtasida xizmat va ijro intizomi, qonunchilik talablariga qatʼiy rioya qilishlari boʻyicha bir qator vazifalar berildi.
Shuningdek, shaxsiy tarkibi oʻrtasida xizmat intizomi va qonuniylikni mustahkamlash, korrupsion holatlarga qarshi keskin kurashishning zamonaviy usul va uslublarini joriy qilish borasida amalga oshiriladigan ishlar, xizmat intizomini buzish bilan bogʻliq holatlar yuzasidan xizmat tekshiruvlarini chuqur tahlillar asosida sinchkovlik bilan oʻtkazish, bu yoʻnalishdagi tekshiruvlarni sifat jihatidan yangi bosqichga koʻtarish, xizmatga sovuqqonlik bilan qarash, poraxoʻrlik va tamagirlik hamda boshqa shu kabi korrupsion holatlarga yoʻl qoʻymaslik, vakolatdan chetga chiqmaslik, fuqarolar bilan muloqotda xushmuomala boʻlish, ularning har qanday murojaatlari yuzasidan sansolarlikka yoʻl qoʻymasdan, tez va sifatli tekshiruvni oʻtkazib, belgilangan tartibda huquqiy tushuntirish berish orqali murojaatning natijasini maʼlum qilishning qatʼiy talablariga rioya qilinishi yuzasidan zaruriy koʻrsatmalar berildi.
Transport va turizm obyektlarida xavfsizlikni taʼminlash departamenti Axborot guruhi