“Vazir kubogi” musobaqasiga rasmiy start berildi
2025-07-19 16:45:00 / Yangiliklar
Oʻzbekiston Respublikasi Ichki ishlar vazirining 2025-yil 2-iyuldagi buyrugʻi asosida, Ichki ishlar vazirligi tizimidagi tarkibiy va hududiy boʻlinmalar oʻrtasida sportning “Milliy kurash” turi boʻyicha “Vazir kubogi” musobaqasini oʻtkazishga rasmiy start berildi.
Mazkur musobaqa 2025-yilning 17–19-iyul kunlari davomida boʻlib oʻtmoqda. Unda Ichki ishlar vazirligiga qarashli hududiy boʻlinmalarning eng iqtidorli va jismoniy tayyorgarligi yuqori boʻlgan xodimlari ishtirok etmoqda. Musobaqaning asosiy maqsadi – xodimlar oʻrtasida sogʻlom turmush tarzini keng targʻib qilish, sportni ommalashtirish, jismoniy va ruhiy bardamlikni mustahkamlash, shuningdek, xizmatga boʻlgan masʼuliyatni kuchaytirishdan iborat.
“Vazir kubogi” musobaqasi doirasida har bir ishtirokchi belgilangan vazn toifalarida oʻz mahoratini namoyon qilmoqda. Bahslar professional hakamlar ishtirokida, sportning belgilangan qoidalariga qatʼiy rioya qilingan holda oʻtkazilmoqda.
Shu bilan birga, ushbu musobaqa ichki ishlar organlari xodimlari oʻrtasidagi birdamlikni mustahkamlash, jamoaviylik ruhini oshirish, sport orqali sogʻlom raqobat muhitini yaratish va yosh xodimlarni vatanparvarlik ruhida tarbiyalashda muhim ahamiyat kasb etadi.
IIV huzuridagi Jazoni ijro etish departamenti Axborot xizmati