Surxondaryo viloyati IIB rahbariyati tomonidan Shoʻrchi tumanida Prezident qarori ijrosi hamda tumandagi kriminogen vaziyat tanqidiy muhokama qilindi
2025-07-18 09:00:00 / Yangiliklar
Shoʻrchi tumanida Surxondaryo viloyati IIB boshligʻi rahbarligida Prezidentimizning joriy yil 3-yanvar kunidagi PQ-1-sonli Qarorlari ijrosi, tumandagi kriminogen vaziyat tanqidiy muhokama qilindi hamda ogʻir mahallalar oʻrganildi.
Shoʻrchi tuman hokimligi binosida Prezidentimizning joriy yil 3-yanvar kunidagi PQ-1-sonli Qarorlari ijrosi boʻyicha olib borilayotgan chora-tadbirlar, tumandagi kriminogen vaziyat, sodir etilgan ogʻir va oʻta ogʻir jinoyatlar muhokamasiga bagʻishlangan tanqidiy ruhdagi yigʻilish boʻlib oʻtdi.
Viloyat IIB boshligʻi polkovnik Timur Ismailov huzurida oʻtkazilgan muhokama yigʻilishida, tuman hokimi, prokurori, mahalla yettiliklari, nuroniylar, mahalla faollari va boshqa mutasaddi tashkilotlar, keng jamoatchilik vakillari ishtirok etishdi.
Yigʻilish davomida, viloyat masʼullari tomonidan jinoyat va huquqbuzarliklarni barvaqt oldini olish boʻyicha olib borilgan ishlari va boshqa kamchiliklar tanqidiy muhokama qilinib kelgusida amalga oshirilishi lozim boʻlgan chora-tadbirlar belgilab olindi.
Shundan soʻng, viloyat ichki ishlar boshqarmasi boshligʻi tumandagi qizil toifa sirasiga kiritilgan “Bobur” mahalla fuqarolar yigʻinida, mahalla yettiligi aʼzolari bilan yaqindan muloqot qilib, mazkur hududning kriminogen vaziyatini yaxshilash, jinoyatdan holi mahallaga aylantirish borasidagi ishlar bilan tanishdi.
Mahalla hududida huquqbuzarlik va jinoyatchilikning oldini olish, jamoat tartibi, fuqarolar va yoʻl harakati xavfsizligini taʼminlash borasida olib borilishi zarur boʻlgan chora-tadbirlar yuzasidan tegishli topshiriq va koʻrsatmalar berildi.
Surxondaryo viloyati IIB Axborot xizmati