Namangan viloyati IIB rahbariyatining navbatdagi oʻrganish ishlari Namangan tumanida davom etdi
2025-07-18 09:00:00 / Yangiliklar
Ichki ishlar organlari tomonidan fuqarolar tinchligini saqlash, jamoat xavfsizligini taʼminlash, jinoyatchilikning oldini olish, shuningdek, hududlarda xavfsiz va osoyishta muhitni shakllantirish borasida kunu-tun xizmat olib borilmoqda.
Bu jarayonda xodimlar faoliyati ustidan nazoratni kuchaytirish, mavjud muammolarni joyida aniqlab, ular yechimiga amaliy yordam koʻrsatish maqsadida Namangan viloyati IIB rahbariyati tomonidan muntazam ravishda joylarga chiqib oʻrganish ishlari olib borilmoqda.
Shu kabi navbatdagi oʻrganish ishlari Namangan tumanida davom etib, Boshqarma boshligʻi boshchiligidagi ishchi guruhning oʻrganishlarida tuman hokimi, tuman prokurori va boshqa masʼul tashkilot vakillari ishtirok etdi.
Ishchi guruh dastlab “Katta Toshbuloq”, “Ibrat” va “Xoʻjaqishloq” mahallalari yettiligi bilan uchrashib, ularning joriy yilning oʻtgan davri mobaynidagi faoliyati, sodir etilgan jinoyatlarning kelib chiqish sabablari atroflicha muhokama qilindi hamda kelgusida jinoyatchilikni oldini olish borasidagi vazifalari belgilab olindi.
Shuningdek, Namangan tumani markazida yoʻl infratuzilmasini yaxshilash, tirbandliklarning oldini olish, piyodalar xavfsizligini taʼminlash va transport harakati qatnovini tartibga solish yuzasidan amalga oshirilayotgan ishlar oʻrganildi.
Mazkur yoʻnalishdagi mavjud kamchiliklar koʻrsatib oʻtildi hamda masʼullarga tegishli topshiriq va tavsiyalar berildi.
Oʻrganishlar doirasida Ichki ishlar boʻlimining maʼmuriy binosi holati ham koʻzdan kechirildi.
Aniqlangan ayrim kamchiliklarni zudlik bilan bartaraf etish, xizmat intizomiga qatʼiy rioya qilish, fuqarolar murojaatlarini sifatli va oʻz vaqtida koʻrib chiqish, shuningdek, kriminogen vaziyatni barqaror saqlash, jinoyatchilikning oldini olish boʻyicha bir qator dolzarb masalalar yuzasidan aniq koʻrsatmalar berildi.
Namangan viloyati IIB rahbariyati tomonidan amalga oshirilayotgan bu kabi joylardagi oʻrganishlar tizimli ravishda davom etib, ichki ishlar organlarining fuqarolarga xizmat koʻrsatish samaradorligini oshirishda muhim ahamiyat kasb etmoqda.
Namangan viloyati IIB Axborot xizmati