Surxondaryo viloyatida jinoyat va huquqbuzarliklarni barvaqt oldini olish, Prezidentimizning 2025-yil 3-yanvardagi PQ-1-sonli qarori ijrosi hamda hududlarda kriminogen vaziyatni yaxshilash masalalari muhokama qilindi
2025-07-17 11:55:00 / Yangiliklar
Joriy yilning 16-iyul kuni Termiz Davlat universitetida boʻlib oʻtgan yigʻilishda viloyat hokimi Ulugʻbek Qosimov, viloyat IIB boshligʻi polkovnik Timur Ismailov hamda davlat boshqaruvi va huquqni muhofaza qiluvchi organlar, “Mahalla yettiligi”ning viloyat boshqarmalari rahbarlari, shahar-tuman hokim, prokuror, IIB boshliqlari hamda ularning tegishli oʻrinbosarlari ishtirok etdi.
Yigʻilishda, viloyat masʼullari tomonidan soʻnggi yillarda mahallabay jinoyatchilikni jilovlash, aholining tinch va osoyishta hayot kechirishi uchun zarur shart-sharoitlar yaratish borasida tizimli ishlar amalga oshirilayotganligi taʼkidlanib, Prezidentimizning 2025-yil 3-yanvardagi PQ-1-sonli qarori ijrosi, jinoyatchilikni barvaqt oldini olish, ijtimoiy profilaktika hamda mahalla yettiligi hamkorligi boʻyicha amalga oshirilayotgan ishlar, yoʻl qoʻyilgan kamchiliklar tanqidiy koʻrib chiqildi.
Mahallalarni jinoyatdan holi hududga aylantirish, kriminogen vaziyatni jilovlash, jamoat tartibi va fuqarolar xavfsizligini taʼminlashda jamoatchilik bilan hamkorlikni taʼminlash lozimligi qayd etildi.
Yigʻilish yakunida, muhokama qilingan masalalar boʻyicha bildirilgan takliflar inobatga olingan holda kelgusida amalga oshirilishi lozim boʻlgan istiqbolli vazifalar va zarur chora-tadbirlar belgilab olindi.
Surxondaryo viloyati IIB Axborot xizmati