Namangan viloyatida jinoyatchilikning oldini olish va xavfsiz muhitni shakllantirish yuzasidan oʻrganishlar olib borildi
2025-07-17 11:50:00 / Yangiliklar
Namangan viloyati Ichki ishlar boshqarmasi rahbariyati tomonidan Toʻraqoʻrgʻon va Mingbuloq tumanlarida jinoyatchilik va huquqbuzarliklarning oldini olish, mahallalarda xavfsiz muhitni shakllantirish, jamoat va yoʻl harakati xavfsizligini taʼminlash, xizmat intizomi hamda ijrochilikka rioya etilishi yuzasidan keng qamrovli oʻrganish ishlari olib borildi.
Oʻrganish jarayonida tuman hokimligi va prokuratura vakillari ishtirokida ichki ishlar boʻlimlari faoliyati, xodimlar hamda fuqarolar uchun yaratilgan sharoitlar, texnik taʼminot, taʼmirlash va obodonlashtirish ishlari, xavfsizlik chora-tadbirlari bilan yaqindan tanishildi.
Dastlab ishchi guruh Mingbuloq tumanidagi “qizil” toifaga kiruvchi “Birlashgan” va “Qayrogʻochovul” mahallalarida boʻlib, jinoyatlar sabablari, mahalla yettiligi faoliyati va aholi muammolari chuqur tahlil qilindi. Aniqlangan kamchiliklarni bartaraf etish boʻyicha tegishli rahbarlarga aniq vazifalar yuklatildi.
Shuningdek, PQ-1-sonli qaror ijrosi, aholi bilan manzilli ish olib borish, raqamli texnologiyalardan samarali foydalanish, profilaktik chora-tadbirlarni kuchaytirish va “qizil” toifadagi mahallalarni bosqichma-bosqich “yashil” toifaga oʻtkazish yuzasidan ham aniq vazifalar belgilandi.
Oʻrganish natijalari boʻyicha tumanlarda jinoyatchilikni kamaytirish va fuqarolar xavfsizligini taʼminlash boʻyicha ustuvor yoʻnalishlar muhokama qilindi, kelgusida amalga oshirilishi lozim boʻlgan chora-tadbirlar belgilab olindi.
Namangan viloyati IIB Axborot xizmati