Fargʻona viloyati Ichki ishlar boshqarmasida 6 oylik yakunlariga bagʻishlangan yigʻilish boʻlib oʻtdi
2025-07-17 10:20:00 / Yangiliklar
Viloyat IIBda Ichki ishlar vaziri oʻrinbosari, general-mayor Bekmurod Abdullayev hamda boshqarma boshligʻi, general-mayor Azizbek Ikramovlar ishtirokida 2025-yilning 6 oylik yakunlariga bagʻishlangan tahliliy yigʻilish oʻtkazildi.
Videomuloqot tarzida tashkil etilgan tadbirda qayd etilganidek, viloyatda umumiy jinoyatlik salmogʻi avvalgi yillarga nisbatan sezilarli darajada kamaygan boʻlsa-da, ayrim jinoyat turlari oshib ketishiga yoʻl qoʻyilgan.
Berilgan hisobot hamda jinoyatchilik tahlilidan kelib chiqib, baʼzi jinoyat turlari oshgan shahar-tuman mutasaddi rahbarlariga profilaktik ishlarni yanada kuchaytirish boʻyicha aniq koʻrsatma hamda topshiriqlar berildi.
“Qizil” toifadagi mahallalar bilan ishlashda eʼtibor qaratilishi zarur boʻlgan ustuvor vazifalar belgilanib, zarur takliflarini bildirdi.
Fargʻona viloyati IIB Axborot xizmati