Ichki ishlar vazirligi rahbariyati ishtirokida Namangan viloyati IIBning 6 oylik faoliyati sarhisob qilindi
2025-07-15 10:00:00 / Yangiliklar
Muhokama yigʻilishida Boshqarma sohaviy xizmat xodimlari, Namangan shahar boʻyicha IIO FMB va tuman IIB boshliqlari, oʻrinbosarlari, tergov hamda tashkiliy boʻlinma boshliqlari, IIVning viloyat hududidagi tuzilmalari boshliqlari va shahar-tuman IIBning barcha shaxsiy tarkibi videokonferensiya tizimi orqali tuman studiyalaridan ishtirok etdi.
Yigʻilish davomida Namangan viloyati IIB xodimlari tomonidan olib borilgan manzilli ishlar natijasida oldi olinishi mumkin boʻlgan jinoyatlar 3,5 foizga kamayib, 378 ta mahallalarda jinoyatlar sodir etilishiga yoʻl qoʻyilmadi.
Shuningdek, viloyat hududida 6 oy mobaynida jami 277 ta yoʻl-transport hodisalari sodir etilib, oʻtgan yilga nisbatan 64 taga kamaygan.
Maʼruza yakunida Oʻzbekiston Respublikasi Ichki ishlar Vaziri oʻrinbosari general-mayor Bekmurod Abdullayev va Boshqarma boshligʻi polkovnik Shuxrat Aliyevlar tomonidan berilgan vazifa va topshiriqlarni vijdonan bajarish, faoliyat davomida qonunlarga qatʼiy hamda ogʻishmay amal qilishlari, tamagirlik va mansab vakolatlarini suiisteʼmol qilmay, yangicha dunyoqarash bilan xalq xizmatida boʻlishlari, fuqarolar tomonidan kelib tushgan murojaatlarni oʻz vaqtida qonuniy tartibda koʻrib chiqishlarini talab etildi.
Yigʻilish soʻnggida berilgan vazifa va topshiriqlarni vijdonan bajarib, boshqa hamkasblariga namuna boʻlgan bir guruh xodimlar ragʻbatlantirildi.
IIV Jamoat xavfsizligi departamenti Axborot xizmati