Oʻzbekiston Respublikasi IIV JXD Huquqbuzarliklar profilaktikasi xizmati boshligʻi polkovnik B.E.Berdialiyev hamda IIV Xalqaro hamkorlik boshqarmasi masʼul xodimlari YUNFPA Oʻzbekiston Respublikasidagi doimiy vakili bilan uchrashdilar
2024-03-02 11:05:00 / Yangiliklar
2024-yil 1-mart kuni boʻlib oʻtgan uchrashuvda ijtimoiy profilaktikani kuchaytirish, xotin-qizlarga nisbatan tazyiq va zoʻravonlikni oldini olishda, voyaga yetmaganlar oʻrtasida jinoyatchilikni oldini olish boʻyicha xalqaro tajribani oʻrganish, inspektor-psixologlarni, voyaga yetmaganlarga ijtimoiy-huquqiy yordam koʻrsatish markazlari xodimlarini xalqaro ekspertlar tomonidan oʻqitish boʻyicha batafsil suhbat olib borildi.
Shu bilan birga, 2023-yilning 11-aprel kuni tasdiqlangan “Xotin-qizlar va bolalar huquqlari, erkinliklari hamda qonuniy manfaatlarini ishonchli himoya qilish tizimi yanada takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida”gi Oʻzbekiston Respublikasi Qonuni borasida fikr almashildi. IIV Jamoat xavfsizligi departamenti va YUNFPAning Oʻzbekiston Respublikasidagi vakolatxonasi bilan hamkorlik qilish uchun ish rejasini ishlab chiqishi kelishib olindi.
IIV Jamoat xavfsizligi departamenti Axborot xizmati