Namangan viloyati Chortoq tumanida harakat xavfsizligini taʼminlash, yoʻl infratuzilmasini yaxshilash va tirbandliklarni oldini olish boʻyicha amalga oshirilayotgan ishlar oʻrganildi
2025-07-13 11:15:00 / Yangiliklar
Joriy yilning 9-iyul kuni davlatimiz rahbari huzurida yoʻl harakati xavfsizligini taʼminlash, infratuzilmasini yaxshilash va tirbandliklarni kamaytirish chora-tadbirlari yuzasidan oʻtkazilgan videoselektor yigʻilishida berilgan topshiriqlarning ijrosini taʼminlash maqsadida viloyatimizning barcha hududlarida amaliy ishlar olib borilmoqda.
Viloyat Ichki ishlar boshqarmasi va Milliy gvardiya viloyat boshqarmasi rahbarlari boshchiligida ishchi guruh Chortoq tumanidagi boʻlib, tuman markazidagi koʻchalardagi tirbandliklarni kamaytirish, haydovchilar va fuqarolarga qulayliklar yaratish, harakat xavfsizligini taʼminlash boʻyicha yoʻl harakati xavfsizligi boshqarmasi hamda tuman hokimligining hamkorlikdagi loyiha taklifi bilan yaqindan tanishdi.
Shuningdek, ishchi guruh tomonidan mavjud muammolar joyida oʻrganilib, fuqarolar va haydovchilar bilan suhbatlashildi. Shu bilan birga, ularning taklif hamda mulohazalari tinglandi.
Oʻrganishlar davomida, loyihada koʻrsatilgan takliflarni amaliyotga toʻliq joriy qilishdan oldin uni sinov tarzida amalga kiritish va keng jamoatchilik fikrini oʻrganish boʻyicha masʼul rahbarlarga aniq topshiriqlar berildi.
Namangan viloyati IIB Axborot xizmati