Amalga oshiriladigan ustuvor vazifalar yuzasidan videoselektor yigʻilishi boʻlib oʻtdi
2025-07-13 09:46:00 / Yangiliklar
Oʻzbekiston Respublikasi Ichki ishlar vazirligi rahbariyati huzurida Jamoat xavfsizligi departamenti Huquqbuzarliklar profilaktikasi va Probatsiya xizmatlari tomonidan joriy yilning 6 oyi davomida amalga oshirilgan ishlar, hamda kelgusida amalga oshiriladigan ustuvor vazifalar yuzasidan videoselektor yigʻilishi boʻlib oʻtdi.
Jamoat xavfsizligini taʼminlash, har bir mahallada xavfsiz muhitni yaratish masalasi Prezidentimiz tomonidan olib borilayotgan davlat siyosatida eng muhim va ustuvor oʻrin egallaydi. Oʻtgan qisqa davr mobaynida, ayniqsa, huquqbuzarliklarning oldini olish sohasida keng koʻlamli ishlar amalga oshirildi.
Ichki ishlar organlari faoliyatida yangi ish uslublari joriy etildi va bu sohada yaxlit huquqiy tizim yaratildi. Natijada, joriy yilning 6 oyida oldini olish mumkin boʻlgan jinoyatlar 2 011 taga kamaydi. Eng muhimi, 55 foiz mahallalarda jinoyat sodir etilishiga yoʻl qoʻyilmadi.
Probatsiya boshqarmasi va uning hududiy boʻlinmalari tomonidan nazorat ostidagi shaxslarning ijtimoiylashuvi hamda bandligini taʼminlash, ular tomonidan qayta jinoyat sodir etish holatlarining barvaqt oldini olishga qaratilgan bir qator ijobiy ishlar amalga oshirildi. Jumladan, nazorat ostidagi shaxslarni bandligini taʼminlash maqsadida, hududiy bandlikka koʻmaklashish boʻlimlari bilan hamkorlikda 1 690 marotaba “Ishga marhamat”mehnat yarmarkalari oʻtkazildi. Mazkur tadbirlar davomida 6 211 nafar nazorat ostidagi shaxslarning bandligi taʼminlandi.
Yigʻilish yakunida Ichki ishlar vazirligi rahbariyati tomonidan muhokama etilgan masalalar yuzasidan masʼullarga tegishli topshiriqlar berildi.
IIV JXD Axborot xizmati