Fargʻona viloyatida “Uch avlod uchrashuvi” tadbiri oʻtkazildi
2025-07-12 11:00:00 / Yangiliklar
Fargʻona viloyati Ichki ishlar boshqarmasi Yoʻl harakati xavfsizligi boshqarmasida xizmat olib borayotgan xodimlar ishtirokida, ichki ishlar organlarida uzoq yillar samarali faoliyat yuritib, hozirda nafaqada boʻlgan ustozlar bilan “Uch avlod uchrashuvi” tadbiri tashkil etildi.
Mazkur tadbir Fargʻona viloyati axborot-kutubxona markazi maʼmuriy binosida boʻlib oʻtdi.
Unda faxriylar, yosh xodimlar hamda tajribali xizmatchilar oʻzaro muloqotda boʻlib, xizmat burchini sidqidildan ado etish, xizmat intizomi va masʼuliyati haqida samimiy suhbatlashdilar.
Tadbir yakunida joriy yilning oʻtgan davri mobaynida jinoyatchilikni oldini olish, fuqarolarning konstitutsiyaviy huquqlarini himoya qilish, jamoat xavfsizligini taʼminlash borasida oʻz xizmat burchini vijdonan bajarib kelayotgan 8 nafar xodim viloyat YHXB rahbariyati tomonidan “Tashakkurnoma“ bilan taqdirlandi.
Fargʻona viloyati IIB Axborot xizmati