Andijon viloyati IIB rahbariyati tomonidan sayyor qabullar tashkil etilmoqda
2025-07-11 11:10:00 / Yangiliklar
Andijon viloyati IIB rahbariyati tomonidan viloyatdagi ijtimoiy-iqtisodiy “ogʻir” toifadagi mahallalariga bevosita joyiga chiqqan holda aholi vakillari uchun sayyor qabullar tashkil etilmoqda.
Navbatdagi qabul Andijon tumanidagi Ekin-tikin va Ittifoq mahallalarining fuqarolari uchun oʻtkazildi.
Ochiq muloqot tarzida oʻtgan mazkur sayyor qabulda Andijon viloyati IIB boshligʻi polkovnik Sanjar Djabarov tomonidan aholining turli ijtimoiy va huquqiy masalalardagi murojaatlari tinglandi.
Qabul davomida har bir murojaat oʻrganilib, ularni hal etish yuzasidan mutasaddi xodimlarga aniq topshiriqlar berildi.
Ayrim masalalar joyida hal etilib, boshqalari boʻyicha huquqiy tushuntirishlar berildi va nazoratga olindi.
Bu kabi sayyor qabullar boshqa shahar-tumanlarning ijtimoiy-iqtisodiy “ogʻir” toifadagi mahallalarida ham oʻtkazilishi rejalashtirilgan.
Andijon viloyati IIB Axborot xizmati