Sherobod tumanida Surxondaryo viloyati IIB boshligʻi rahbarligida tumandagi kriminogen vaziyat tanqidiy muhokama qilindi
2025-07-08 14:40:00 / Yangiliklar
Sherobod tuman hokimligi binosida Prezidentimizning joriy yil 3 yanvar kunidagi PQ-1-sonli Qarorlari ijrosi doirasida olib borilayotgan chora-tadbirlar, tumandagi kriminogen vaziyat, sodir etilgan ogʻir va oʻta ogʻir jinoyatlar muhokamasiga bagʻishlangan tanqidiy ruhdagi yigʻilish boʻlib oʻtdi.
Viloyat IIB boshligʻi polkovnik Timur Ismailov huzurida oʻtkazilgan muhokama yigʻilishida, tuman hokimi, prokurori, mahalla yettiliklari, nuroniylar, mahalla faollari va boshqa mutasaddi tashkilotlar, keng jamoatchilik vakillari ishtirok etishdi.
Yigʻilish davomida, viloyat masʼullari tomonidan jinoyat va huquqbuzarliklarni barvaqt oldini olish boʻyicha olib borilgan ishlari va boshqa kamchiliklar tanqidiy muhokama qilinib kelgusida amalga oshirilishi lozim boʻlgan chora-tadbirlar belgilab olindi.
Surxondaryo viloyati IIB Axborot xizmati