Surxondaryo viloyatida “Dolzarb-90 kun” tadbiri doirasida voyaga yetmaganlar uchun maxsus “master klass” mashgʻulotlari tashkillashtirildi
2025-07-06 09:00:00 / Yangiliklar
Surxondaryo viloyati Ichki ishlar boshqarmasi Jamoat xavfsizligi xizmati Voyaga yetmaganlarga ijtimoiy-huquqiy yordam koʻrsatish markazida saqlanayotgan voyaga yetmaganlarni “Vatanparvarlik” ruhida tarbiyalash, sportga boʻlgan qiziqishlarini yanada oshirish hamda respublikamizda oʻtkazilayotgan “Dolzarb-90 kun” tadbiri ijrosini taʼminlash maqsadida, markaz rahbari S.Ochilova va xodimlari Sh.Xolliyev, Sh.Qosimovlar tomonidan, ichki ishlar tizimidagi Alohida vazifalarni bajaruvchi safarbarlik otryadiga tashrif uyushtirildi.
Tadbir davomida otryadda xodimlar faoliyat olib borishlari uchun tashkil etilgan shart-sharoitlar, sport bilan shugʻullanish uchun yaratilgan imkoniyatlar sport zal, stadion, taktik tayyorgarlik maydonlari, texnikalar, oʻq otar qurollar bilan yaqindan tanishish va maʼlumot olish imkoniyati yaratildi.
Ushbu oʻtkazilgan “Vatanparvarlik” tadbiri davomida ichki ishlar xodimlarining xizmatda operativ tadbirlar vaqtida ishlatiladigan maxsus qurollar bilan mashqlar bajarish yuzasidan “master klass” tashkillashtirdi. Tadbir soʻngida voyaga yetmaganlar tomonidan ham ushbu mashqlarni mustaqil bajarib koʻrish imkoniyati berildi.
Bu kabi tadbirlarni muntazam oʻtkazilib borilishi voyaga yetmaganlar tomonidan huquqbuzarlik va jinoyat sodir etilishini oldini olish va kelgusida voyaga yetmaganlarni ichki ishlar kasbiga boʻlgan ishtiyoqini oshirish, vatanparvarlik ruhida tarbiyalash, yurtimizda harbiy va ichki ishlar sohalarida yaratilayotgan imkoniyatlar bilan tanishtirishdan iboratdir.
Surxondaryo viloyati IIB Axborot xizmati