IIV Akademiyasida giyohvandlik vositalarining internet orqali tarqalishiga qarshi kurashish masalalariga bagʻishlangan halqaro trening oʻtkazildi
2025-07-06 09:00:00 / Yangiliklar
Bugungi kunda internet giyohvandlik vositalari va psixotrop moddalarning onlayn savdosi uchun eng qulay makonga aylanib bormoqda.
Oʻzbekiston Respublikasi Prezidenti Administratsiyasi huzuridagi Narkotiklarni nazorat qilish milliy markazi tashabbusi bilan IIV Akademiyasida oʻtkazilgan trening ayni dolzarb masalaga bagʻishlandi.
AQSH Adliya vazirligining Narkotiklarga qarshi kurashish boshqarmasi bilan hamkorlikda tashkil qilingan tadbirda ikchi ishlar organlari xodimlari hamda professor-oʻqituvchilar qatnashdi.
Xalqaro ekspertlar tomonidan internetdagi giyohvandlik vositalari va psixotrop moddalarning onlayn savdosiga ixtisoslashgan axborot manbalarini aniqlash, bu turdagi faoliyat bilan shugʻullanuvchi shaxslarni fosh etish, aholi, ayniqsa yoshlarni axborot makonidagi xavf-xatarlardan ogoh etib borishning samarali yoʻllari tushuntirildi.
Bu borada xorijiy davlatlar, xususan, AQSH huquq-tartibot organlari tomonidan qoʻllanilayotgan tajribalar yuzasidan fikr almashildi.
Mashgʻulot yakunida tomonlar mazkur yoʻnalishda hamkorlikni davom ettirishga kelishib oldilar.
IIV Akademiyasi Axborot xizmati