IIV Qorovul qoʻshinlari harbiy xizmatchilari malaka oshirish kurslarini muvaffaqiyatli yakunladi
2025-07-06 09:00:00 / Yangiliklar
IIV Qorovul qoʻshinlari qoʻmondonligiga qarashli Birlashgan oʻquv dala markazida vazirlik malaka oshirish instituti bilan hamkorlikda tashkil etilgan oʻquv kurslarini tamomlagan harbiy xizmatchilarga sertifikatlar topshirildi.
Tadbirda qoʻshin qoʻmondoni oʻrinbosari polkovnik Davron Ashurov nutq soʻzlab, bu kabi oʻquv uslubiy yigʻinlar harbiy xizmatchilar bilim va malakasi, intellektual hamda kasbiy salohiyatini oshirishda muhimligi xususida toʻxtalib oʻtdi.
Shundan soʻng vazirlik malaka oshirish instituti rahbariyatiga samimiy minnatdorligini bildirib, harbiy xizmatchilarga sertifikatlarni topshirdi hamda ularning kelgusi xizmat faoliyatida ulkan muvaffaqiyatlar hamroh boʻlishini taʼkidladi.
Aytish joiz, bu galgi oʻquv kurslarida qoʻshin safida xizmat qilayotgan harbiy qism va boʻlinmalardan jami 30 nafar kontrakt boʻyicha oddiy askar va serjantlar tarkibidagi harbiy xizmatchilar malaka va koʻnikmalarini oshirgan holda, yangi bilimlarni egallashdi.
IIV Qorovul qoʻshinlari qoʻmondonligi Axborot guruhi